မြန်မာအတွက် အလေးထားနွဲရမယ့် လက်ကျန် ၂ ပွဲ …

Indo Sub: Gol pemain Kamboja saat melawan Myanmar menjadi yang tercepat dalam sejarah Sea Games

လောလောဆယ်တော့ မြန်မာပါဝင်တဲ့ အုပ်စု (A) မှာ ၂ ပွဲကစားထားတဲ့အသင်းတွေအဖြစ် မြန်မာ ၊ ကမ္ဘောဒီးယား၊ ဖိလစ်ပိုင်ဆိုပြီး အသီးသီးရှိနေတယ်။ ကျန်တဲ့ မလေးရှားနဲ့တီမော ကတော့ အခုမှ တစ်ပွဲစီသာ ကစားထားတယ်။ ဒီတော့ အနေအထားက အားလုံး တည်တကျ မျှော်လင့်နိုင်စရာတွေအဖြစ် တပ်အပ်မပြောနိုင်သေးဘူး။  ဒါပေမယ့် ရိပ်ဖမ်းသံဖမ်းအဖြစ် တော့ တွက်ဆထားနိုင်ကြပြီဖြစ်တယ်။

Group A

Pos       Team                Pld       W         D          L          GF        GA        GD       Pts

1          Cambodia         2          1          1          0          6          1          +5        4

2          Myanmar         2          1          1          0          3          2          +1        4

3          Malaysia           1          0          1          0          1          1          0          1

4          Philippines       2          0          1          1          2          3          −1        1

5          Timor-Leste      1          0          0          1          0          5          −5        0

လက်ကျန် ပွဲတွေမှာ အမှားလုပ်လို့မရတော့တဲ့ အနေအထားအမျိုး ရှိနေတဲ့အသင်းတွေ ထဲမှာ အိမ်ရှင်ဖြစ်တဲ့ ဖိလစ်ပိုင်ပါနေတယ်။ တီမောက အဖွင့်မှာ အမှတ်မရသေးဘူး။ ကျန်တဲ့ မြန်မာ နဲ့ကမ္ဘောဒီးယားက ၂ ပွဲကစားပြီး ၄ မှတ်စီပိုက်ထားတယ်။ အထူးသဖြင့် တီမောကို ဂိုးပြတ် အနိုင်ရထားလိုက်တဲ့ ကမ္ဘောဒီးယားကတော့  အခုအချိန်မှာ အမှတ်ပေးဇယားထိပ်ဆုံးမှာ ရပ် တည်နေတယ်၊ သွင်းဂိုးကလည်း အခြားအသင်းတွေထက် ပြတ်သားပြီး တီမောကို ၅-၀ နဲ့ နိုင် ထားလိုက်တဲ့အတွက်ကြောင့် ဂိုးကွာခြားချက်အရ မြန်မာနဲ့ရမှတ်တူတာတောင် သွင်းဂိုး အသာရနေလို့ ဇယားထိပ်ဆုံးရောက်သွားတယ်။

ဒီနေ့ တစ်ရက်နားမယ်၊ မနက်ဖြန်မှာ လက်ကျန်ပွဲတွေထဲက နှစ်ပွဲဖြစ်တဲ့ တီမောနဲ့မြန်မာ၊ ဖိလစ်ပိုင်နဲ့ မလေးရှားပွဲ ဆက်ကစားကြလိမ့်မယ်။ အိမ်ရှင် ဖိလစ်ပိုင် အတွက် အဆိုပါပွဲမှာ အဖြေပေါ်လိမ့်မယ်။  အမှတ်လိုနေတဲ့အသင်း ၂ သင်းကစားမယ့်ပွဲက စိတ်ဝင်စားဖို့ကောင်း နေတယ်။ ဒါပေမယ့် အဲ့ဒီပွဲက ဒုတိယပွဲဖြစ်တယ်။ မလေးရှားအတွက် သူတို့တွေ ဘာလုပ်ရမ လဲဆိုတာ ရွေးလို့ရမယ့်နေအထားမျိုးဖြစ်နေတယ်။

မြန်မာကတော့ တီမောကို မနက်ဖြန် ပွဲစဉ်မှာ မပါတဲ့ ကမ္ဘောဒီးယား လို အနိုင်ယူကစားပြရမယ်၊ ပြီးတော့ သူတို့တွေလိုမျိုးပဲ တီမောဂိုးပေါက်ထဲကို  အနိုင်ဂိုးတွေ တရစပ် ပစ်လွှတ်နိုင်မယ့် ဒုံးခွင်း ကန် ချက်တွေ ပို့လွှတ်ဖို့ တိကျမှုတွေ လိုသေးတယ်။

မြန်မာရဲ့လက်ကျန်ပွဲတွေမှာ တီ မောနဲ့ ကမ္ဘောဒီးယားရှိတယ်။ မြန်မာက နောက်ဆုံးပွဲမှာ အနားပိုရမယ်။ သူများတွေ ကန်ဖို့ တစ်ပွဲစီအလိုမှာ မြန်မာက ခပ်စောစော ကမ္ဘောဒီးယားနဲ့ကစားပြီးရင် ပွဲကုန်ပြီ။ ဒီတော့ ဘာပဲ ဖြစ်ဖြစ် နောက်ထပ်တစ်ဆင့်ကို သွားနိုင်မယ်ဆိုရင် နားခွင့်ပိုမယ်။

ထားပါ၊ မရောက်လာသေးတာတွေကို အဝေးကြီး မကြည့်ပဲ နေကြည့်ရအောင်ပါ။ အရေးကြီး တာက မြန်မာ ဒဏ်ရာရ ကစားသမားတွေနေရာမှာ ဘယ်သူတွေဝင်လာမလဲ၊ ကစားသမား တွေ အားလုံး ဒဏ်ရာတွေက ထင်သလောက်မပြင်းထန်ရင် တောင် ရှေ့ ၂ ပွဲမှာ အားကုန်ထုတ် ရုန်းထားရတဲ့ အရှိန်နဲ့ ပွဲပန်းနိုင်သေးတယ် မဟုတ်ပါလား။

ဒါကိုလည်း ရှောင်လွှားနိုင်ဖို့ လို လာပြီ၊ တီမော ခြေစွမ်းကို အထင်မသေးစေချင်သလို၊ နိုင်မယ်ဆိုရင်လည်းပြတ်သားစေချင်မိ တယ်။ အမှတ်မရသေးတဲ့အသင်းဟာ မြန်မာကို ခံကန်ဖို့ ဖြစ်လာစေတဲ့ အနေအထားကို မနေ့ တုန်းက ဂိုးပြတ်နဲ့ အရှုံးက သက်သေပဲမဟုတ်ပါလား။

ဒီတော့ မြန်မာအတွက် လုပ်သင့်လုပ်ထိုက်တာကို အကောင်းဆုံးဖြစ်အောင်လုပ်ဖို့လိုတယ်။ မနက်ဖြန်တိုက်ရမယ့်ပွဲ အရေးကြီးသလို ဘေးက ပွဲမရှိလို့ အနားရထားတဲ့ ကမ္ဘောဒီးယား ဟာ မြန်မာနဲ့အတွေ့မှာ အားလုံးလန်းဆန်းနိုင်တယ်။

ဒီတော့ ကမ္ဘောဒီးယားနဲ့မြန်မာ အတွေ့မှာ အဖြေတစ်ခုထွက်မယ်၊ ကမ္ဘောဒီးယားကလည်း မြန်မာကို မရမက ဆော်မှာပဲ၊ သူတို့တွေရဲ့ နောက်ဆုံးပွဲက မလေးရှားနဲ့ဖြစ်တယ်။ မြန်မာထက်ပိုခက်တယ်ဆိုတာ သိနေနိုင်တယ်။ လက် ရှိမြန်မာရဲ့ခြေစွမ်းကလည်း ကမ္ဘောဒီးယား အတွက် ယှဉ်နိုင်တဲ့အနေအထားမျိုးဖြစ်တယ်။ ဒါ တွေကြောင့် မြန်မာနဲ့ပွဲကို ကမ္ဘောဒီးယားက အနိုင်မဟုတ်ရင်တောင် အမှတ်ရဖို့အတွက် သူတို့တွေ အထိမိဆုံး ဖိအား တွေပေးနိုင်တာ ထည့်တွက်ထားရမယ် ဆိုတာပါပဲ။

သေချာတာကတော့ မြန်မာဟာ မြန်မာ ပီသနေဖို့လိုတယ်ဆိုတာပါပဲ၊ ကိုယ်လုပ်ရမယ့် အလုပ်ကို အကောင်းဆုံးဖြစ်အောင်လုပ်ယူဖို့ပဲလိုအပ်တယ်။ ကိုယ့်အခွင့်အရေးကို သူများ ပေးလိုက်ရတယ်ဆိုတာမျိုး မဖြစ်စေဖို့ သတိထားရမယ်။ မြန်မာဟာ မြန်မာ ပီပီ နောက်တစ် ဆင့်ရောက်ဖို့ အတွက် လိုအပ်တယ်။

ဟုတ်ပါတယ်။ မြန်မာအတွက် နောက်ဆုံး ၂ ပွဲဟာ ဖြစ်နိုင်ရင် အမှတ်ပြည့်ရဖို့လိုအပ်တယ်။ တီမောနဲ့ပထမဆုံးပွဲကို အပြတ်ဖြတ်ရမယ်။ အမှတ်ပြည့်နဲ့ ဂိုးတွေပါ အပြီးသပ်နိုင်သမျှ ရအောင် အချောကိုင်ထားဖို့လိုတယ်။ ပြီးရင် ကမ္ဘောဒီးယားနဲ့ပွဲကို ပွဲပန်းနေတဲ့ကြား က နေပြီး ပါးပါးနပ်နပ်နဲ့ အမှတ်ရအောင် ကစားနိုင်ဖို့လုပ်ခွင့်သာဖို့လိုတယ်။

ကြိုးစားရမယ် မြန်မာ..၊ ပန်းတိုင်နား အရောက်လှမ်းဖို့အတွက် အုပ်စုအဆင့်ကို အရင်ကျော် ဖို့ ဖိအားတွေအောက်က လွတ်မြောက်အောင် ပြေးနိုင်သလောက်ပြေးပြလိုက်စမ်းပါမြန်မာ..။

 

29 November 2019         Timor-Leste       v          Myanmar         Rizal Memorial Stadium, Manila

29 November 2019         Philippines        v          Malaysia           Rizal Memorial Stadium, Manila

2 December 2019           Malaysia            v          Timor-Leste      Rizal Memorial Stadium, Manila

2 December 2019           Myanmar          v          Cambodia         Biñan Football Stadium, Biñan

4 December 2019           Cambodia          v          Malaysia           Rizal Memorial Stadium, Manila

4 December 2019           Timor-Leste       v          Philippines       Biñan Football Stadium, Biñan

ထွန်းထွန်းဦး(လှိုင်)

မှတ်ချက်များ။