သူတို့ပြောတဲ့ ဘောလုံးကစားနည်း (၅) (အာမရစ် လာပေါ်တေး)

‘I can coach anywhere’ – Luis Enrique on ambitions after Spain

‘မော်ဒန်ဘောလုံး’

ဒီဝေါဟာရကို ကျွန်တော်တော်တော်လေးသုံးဖြစ်တယ်။ အနီးဆုံးအဓိပ္ပါယ်ကောက်ပြောရရင် ဒီနေ့ခေတ် ဥရောပအသင်း တွေ အများဆုံးအသုံးပြုတဲ့ နည်းနာနိသျှတွေကို ပြောတာဖြစ်ပါတယ်။ ဘောလုံးကန်တာပဲ အရင်ကကန်တာလည်း ဒီဘောလုံး အခုကန်တာလည်း ဒီဘောလုံး မဟုတ်ဘူးလားလို့ တုန့်ပြန်မေးခွန်းထုတ်လို့ရပါတယ်။ “ဘောလုံးကစားနည်း” ဆိုတဲ့ခေါင်းစဉ် အောက်မှာရှိတာတူပေမယ့် အယူအဆတွေ သဘောတရားတွေတော့ မတူညီပါဘူး။ ဥပမာအားဖြင့် ပြောရရင် သချာင်္ပညာရပ် လိုပါပဲ။ ကျွန်တော်တို့ မူလတန်းသချာင်္အဆင့်နဲ့ အထက်တန်းသချာင်္အဆင့် မတူညီသလို အထက်တန်းသချာင်္အဆင့်နဲ့ အင်ဂျင်နီယာသုံး သချာင်္ပညာလည်း မတူညီတဲ့သဘောပါ။ အဆင့်မြင့်လာတဲ့အတွက် သာမန်အခြေခံအခြေအနေနဲ့ ကွာဟမှုရှိ လာသလို တချိူ့အကြောင်းအရာတွေက လက်တွေ့ကျင်လည်ရှင်သန်နေတဲ့သူတွေလောက်ပဲ နားလည်နိုင်တဲ့အနေအထားပါ။

ကျွန်တော်တို့နိုင်ငံမှာ မော်ဒန်ဘောလုံးနည်းစနစ်တွေရဲ့ သဘောတရား နားလည်ကျွမ်းကျင်တဲ့လူနည်းပါးလွန်းပြီး လိုက်နာကျင့်သုံးမှုလည်း မရှိသလောက်ရှားပါတယ်။ ပိုဆိုးတာက ဒီဘက်ခေတ်ဘောလုံးကစားနည်းကို မယုံကြည်ဘဲ “ငါတို့ တုန်းက” ဆိုတဲ့ စကားအစချီပြီး ရှေးရိုးစွဲနည်းစနစ်တွေထဲမှာ ပျော်မွေ့နေဆဲ နည်းပြတွေတောင်ရှိနေပါသေးတယ်။ ဒါကြောင့် ဒီတစ်ခေါက်မှာ မော်ဒန်ဘောလုံးရဲ့ သဘောတရားတွေပါဝင်တဲ့ ကစားသမားတစ်ယောက်ပြောတဲ့အကြောင်းအရာတွေဖော်ပြ ပေးလိုက်ပါတယ်။ မန်စီးတီးအသင်းနောက်ခံကစားသမား အာမရစ်လာပေါ်တေး ပြောပြတဲ့ မော်ဒန်နောက်ခံလူတစ်ယောက် အတွက် ဥပဒေသ (၇) ချက်ဖြစ်ပါတယ်။ ဒါကို Four Four Two ရဲ့ ပင်တိုင်ကလောင်ရှင် အန်ဒရူးမာရေး ကကစားသမားကို အင်တာဗျူးပြီး ဖော်ပြထားတာကို အတတ်နိုင်ဆုံးဘာသာပြန်ပေးထားတာပါ။
၁။ ခံစစ်မှ တိုက်စစ် အပြောင်းအလဲအတွက် လိုအပ်ချက်
———————————————————–
ကျွန်တော်ကစားရတဲ့ဗဟိုခံစစ်နေရာက ဘောလုံးရဲ့ ဆင့်ကဲဖြစ်စဉ်မှာ ခံစစ်ကစားသမားတစ်ယောက် ထက်ပိုတဲ့ တာဝန်တွေ ပါဝင်လာပါပြီ။ ဒါပေမယ့် အဓိက တာဝန်က “ခံစစ်” ဆိုတဲ့အနေအထားကနေ ရုန်းထွက်ဖို့ဖြစ်နေဆဲပါပဲ။ ဒါက အရင်ကတည်းက ဗဟိုခံစစ်သမားတွေရဲ့ အဓိကတာဝန်မဟုတ်လား။ ဒီနောက်ပိုင်းမှာတော့ ခံစစ်အနေအထားကနေ ရုန်းထွက်နိုင်တာနဲ့ အမြန်ဆုံးတိုက်စစ်ပြန်စဖို့လိုလာပြီ။ ဒီအတွက် တစ်ယောက်နဲ့တစ်ယောက်ကြားမှာ နားလည်မှုတွေ အချိတ် အဆက်တွေ ကအရေးကြီးပါတယ်။ အသင်းဖော်တွေနဲ့ နားလည်မှုတည်ဆောက်နိုင်မှ ဘောလုံးက တိုက်စစ်ကို အမြန်ဆုံး ပြန်စ နိုင်မှာဖြစ်ပြီး ဒီအတွက် လေ့ကျင့်ရေးကွင်းမှာ အချိန်အများကြီးပေးပြီး လေ့ကျင့်မှရမှာဖြစ်ပါတယ်။
၂။ အမြန်ဆုံး တိုက်စစ်စတင်မှုအတွက်
—————————————-
ခံစစ်ကနေ တိုက်စစ်ကို အမြန်ဆုံးကူးပြောင်းဖို့အတွက် အကောင်းဆုံးနည်းလမ်းက တစ်ချက်ထိ ပေးပို့မှုပါပဲ။ တစ်ခါ တစ်လေ ဘောလုံးကိုင်ပြီး ကစားကွက်တည်ရတာတွေတော့ရှိပါတယ်။ ပွဲအခြေအနေအရပေါ့။ ဒါပေမယ့် သေချာ တာက ဘောလုံးကို မြန်မြန်ပြန်စနိုင်လေ တိုက်စစ်မှာအကျိုးများလေပါပဲ။ အဲဒီလို ပြန်စဖို့ တစ်ချက်ထိအနီးပေးတွေနဲ့ နားလည်မှုတွေလိုပါတယ်။ ကွင်းလယ်စည်းကို ဖြတ်ပြီး တိုက်ရိုက်ပေးရတာမျိုးလည်းလိုအပ်ပေမယ့် တိကျဖို့အရေးကြီးပါတယ်။ ကျွန်တော့်သဘောအရ တိုက်စစ်ပြန်စတဲ့အခါမှာ နည်းအမျိုးမျိုးကို သုံးနိုင်မှ ထိရောက်မှာပါ။ ဒါကအရေးကြီးပါတယ်။


၃။ ဘောလုံးဖျက်တဲ့အခါ တွေဝေမနေနဲ့
——————————————-
ဘောလုံးဖျက်ဖို့အခြေအနေမှာ အမြန်ဆုံးနဲ့ ကိုယ်ပိုင်ဆိုင်မှုရဖို့က အခြေခံအကျဆုံးနဲ့ အရေးအကြီးဆုံးပါပဲ။ မြန်မြန်ဖျက် ပြီး မြန်မြန်ဘောလုံးရမှ မြန်မြန်ပြန်စလို့ရမယ်မဟုတ်လား။ ဒီတော့ သူတို့တိုက်စစ်ဆင်လာတဲ့အချိန် ဖျက်ဖို့လိုလာရင် မတွေဝေပါ နဲ့ ဘယ်အခြေအနေနဲ့ တိုက်စစ်ဆင်လာသည်ဖြစ်စေ ၀င်ဖျက်ဖို့လိုအပ်ပါတယ်။ လျှောထိုးဖျက်ထုတ်မှုတွေကတော့ ကိုယ့်ရဲ့ ဟန်ချက်အနေအထား၊ နေရာယူမှု အမှားတွေအပေါ်မူတည်ပြီးမှ သုံးရပါမယ်။ ဘာလို့လဲဆိုတော့ ဒီလိုလျှောထိုးဖျက်ထုတ်တာ က ကိုယ့်ရဲ့နောက်ဆုံးကြိုးစားမှုဆိုတဲ့အခြေအနေမှာရှိလို့ပါ။ ဒါကြောင့် မတတ်သာတဲ့အခြေအနေရောက်မှ စဉ်းစားသင့်တယ်။
၎။ ဂိုးမပေးရတဲ့ နိုင်ပွဲ
—————————–
ပွဲတစ်ပွဲကစားပြီးလို့ ဂိုးမပေးရရင် ကျွန်တော်ကတော့ ဂုဏ်ယူတယ်။ ဒါက ကျွန်တော်တို့ခံစစ်သမားတွေ ဒီမိနစ် (၉၀) မှာ အမှားမလုပ်ခဲ့ဘူးဆိုတဲ့သက်သေပါပဲ။ ပွဲတစ်ပွဲကို (၂-၁)နဲ့နိုင်ရတာ ပျော်ပါတယ်။ ဒါပေမယ့် (၁-၀)နဲ့ Clean Sheet ရပြီး နိုင်ခဲ့ရင် ဒီထက် ၂ ဆပိုပျော်ပါတယ်။


၅။ ကိုယ့်စွမ်းဆောင်ရည်ကို တိုင်းတာပါ
——————————————-
ကျွန်တော်ကတော့ ကိုယ့်စွမ်းဆောင်ရည်ကို ကိုယ်တိုင်အမြဲ မှတ်သားထားပါတယ်။ တစ်ပွဲပြီးတစ်ပွဲ သာမက လေ့ကျင့်ရေး တစ်ချိန်ပြီးတစ်ချိန် ကိုယ်ဘယ်လောက်တိုးတက်မှုရှိလဲဆိုတာ ဆန်းစစ်ဖြစ်ပါတယ်။ ကိုယ်ကစားရတဲ့ နေရာမှာ လုပ်ဆောင်ရမယ့် အဓိကတာဝန်တွေ၊ နားလည်မှုတွေနဲ့ တိုးတက်မှု ဆုတ်ယုတ်မှုတွေကိုပေါ့။ ထိပ်ဆုံးအဆင့်ပြိုင်ပွဲမှာ ကစားနေတဲ့ ခံစစ်သမား တစ်ယောက်အတွက် ဒီလိုအာရုံစူးစိုက်မှုက အရေးအကြီးဆုံးပါပဲ။ ကျွန်တော်က ချန်ပီယံလိဂ်မှာ ကစားရတဲ့မိနစ်တိုင်းကို မြတ်နိုးပြီး အဲဒီအတွက် ပိုအာရုံစိုက် လေ့လာဖြစ်တယ်။
၆။ ကိုယ့်ကိုယ်ကိုယ် ဘယ်လိုပြန်လေ့လာခဲ့လဲ
————————————————–
ကျွန်တော့်ကို ပွဲထွက်ကစားသမားနေရာစပေးခဲ့တာ “မာဆယ်လို ဘီယယ်ဆာ” ပါ။ သူက ဘောလုံးနဲ့ ပတ်သက်ပြီး အားလုံးသိထားသလို ဆရာကျတဲ့သူတစ်ယောက်ပါ။ ဒါပေမယ့် ကျွန်တော့်ကို သုံးဖို့ပြင်ဆင်နေတဲ့အချိန်မှာ ကစားပြီးတဲ့ ပွဲတိုင်း ရဲ့ ဗွီဒီယိုကိုပေးပြီး အိမ်စာလုပ်ခိုင်းခဲ့တယ်။ ရှေ့လာမယ့် ပွဲကို သက်ရောက်မယ့်အခြေအနေတွေပြင်ဆင်ခိုင်းခဲ့တယ်။ ဗယ်လ်ဗာ ဒီကတော့ သူကိုယ်တိုင်လည်း ဒီဗွီဒီယိုကိုကြည့်ပြီး ဘာလုပ်သင့်တယ်ဆိုတာမျိုးတွေကို ပိုရှင်းပြပေးခဲ့ပါတယ်။ နှစ်ယောက်စလုံး က အရမ်းတော်တဲ့ နည်းပြတွေဆိုတာသေချာပါတယ်။


၇။ ကြံ့ခိုင်ဖို့လိုတယ်
————————
ပရိုဘောလုံးလောကမှာ ရှင်သန်နိုင်ဖို့အတွက် ကြံ့ခိုင်သန်မာဖို့ အရေးကြီးပါတယ်။ မော်ဒန်ဘောလုံးမှာ တိုက်စစ်သမား တွေကအရင်ခေတ်နောက်ခံလူတွေလို အားရှိတဲ့ သန်မာတဲ့သူတွေ များလာပြီး သူတို့ကို ရင်ဆိုင်နိုင်ဖို့ ကြံ့ခိုင်မှုလိုအပ်ပါတယ်။ အာရုံစူးစိုက်မှု၊ ကြံ့ခိုင်မှုနဲ့ သူ့ဆီကဘောလုံးဝင်ဖျက်ရမယ့်အချိန် စတဲ့အချက်(၃)ချက်ဟာ မော်ဒန်ခံစစ်သမားတစ်ယောက် အတွက် မရှိမဖြစ်လိုအပ်တဲ့အရည်အသွေးတွေဖြစ်ပါတယ်။
လာပေါ်တေး ဒီအင်တာဗျူးကို ဖြေတဲ့အချိန်မှာ မန်စီးတီးကို ရောက်ခါစအချိန်ဖြစ်လို့ သူ့ရဲ့ဖြေဆိုမှုမှာ ပါတဲ့အချိန်ကို တွက်ချက်နားလည်ဖို့လိုအပ်ပါလိမ့်မယ်။ ပရိုဘောလုံးသမား နောက်ခံလူတစ်ယောက် ဒါမှမဟုတ် ပရိုဖြစ်ချင်တဲ့ ခံစစ်သမား တစ်ယောက် အတွက် တန်ဖိုးရှိတဲ့လမ်းညွှန်ချက်တွေဖြစ်မယ်လို့ယူဆပါတယ်။ လာမယ့်သောကြာနေ့မှာတော့ “ရာဒါမယ် ဖယ်လ်ကာအို ရဲ့ ပင်နယ်တီဧရိယာထဲက သားရဲ ဖြစ်လာဖို့” ဆိုတဲ့ လေ့လာစရာတွေ ဆက်ရေးပါဦးမယ်။

Ref- Aymeric Laporte: 7 rules for the modern defender by Andrew Murray (Four Four Two)
မောင်ဖိုးကွန့်
25-3-2020

မှတ်ချက်များ။